Բարև Ձեզ: Ես Արթուր Սիմոնյանն եմ, ունեմ ուսումնական կենտրոն և դասավանդում եմ 3ds Max ծրագիրը: Ներկայացնում եմ Ձեզ իմ հեղինակային դասը:
Դասը նախատեսված է սկսնակների համար: Այսօր կպատրաստենք գծային օբյեկտներով կլոր սեղանի սփռոց: Դրա համար կառուցենք բազմանկյուն՝ NGon հետևյալ պարամետրերով` Radius-80 , Sides-10 և դնենք Circular դրոշակը: Circular դրոշակը դնում ենք, որպեսզի բազմանկյունը դառնա շրջան:
Պարամետրերը դնում են Modify մտնելուց հետո:
Կատարենք աջ քլիք արդեն շրջան դարձած բազմանկյան վրա և կոտրենք նրան Convert To--Convert To Editable Spline հրամանով
Քանի որ այս բազմանկյունը պետք է հանդիսանա սփռոցի ներքևի մասը (այսինքն հատումը), ապա այն պետք է լինի ալիքանման շրջան: Դրա համար գնալով Modify, մտնում ենք vertex խմբագրման մակարդակ, նշում բոլոր գագաթները՝ Ctrl+A և բացելով Selection ցանկը դնում ենք Lock Handles դրոշակը: (Lock Handles դրոշակը ժամանակավորապես կապում է միաժամանակ ակտիվ գագաթների կորության բռնակնորը):
Իսկ հիմա մկնիկով շարժենք որևէ գագաթի բռնակի կանաչ գլխիկը: Հրաշալի է` ալիքանման կորությունները պատրաստ են: Կարող եք մի փոքր հանգստանալ կամ հյութ խմել, քանի որ պարբերաբար հանգիստը կարևոր է թե սովորելիս և թե աշխատելիս::
Սեզանի կլոր հարթությունը ստանալու համար նորից կառուցենք NGon նույն պարամետրերով, բայց Radius-60: Նշենք ալիքանման շրջանը, մտնենք Modify--Geometry, դնենք Reorient դրոշակը, սեղմենք Atach և քլիք անենք նոր ստեղծած շրջանի վրա, որպեսզի այն կցվի մեր օբյեկտին:
Այժմ մտնենք խմբագրման Spline մակարդակ (կամ սեղմեք 3), նշելով շրջանին այն բարձրացնենք Z առանցքով դեպի վեր 60 միավոր` Z=60:
Ստանանք շրջանի փոքր կրկնօրնակը, դրա համար ընտրենք Select and Uniform Scale գործիքը (կամ սեղմեք R) և Shift ստեղնը սեղմած շարժենք դեպի կենտրոն:
Մակերես ստանալու համար մեզ հարկավոր են այս երեք փակ կորերը իրար կապող ուղիղ գծեր: Դրա համար ընտրում ենք Cross Section գործիքը և հերթով քլիք անում մեր կորերի վրա` 1-ալիքաձև շրջան, 2-վերևում գտնվող մեծ շրջան, 3- վերևում գտնվող փոքր շրջան:
Որպեսզի մակերեսը վերևում փոքր շրջանի մասում բաց չլինի, ապա ջնջում ենք այն, հետո մտնում Vertex խմբագրման մակարդակ, նշում ուղիղ գծերի վերջին գագաթներին և սեղմելով Fuse բոլորը կդիրքավորվեն կենտրոնում:
Մակերես ստանալու համար կիրառենք Surface մոդիֆիկատորը և դնենք Steps=20:
Ահա և վերջ: Դասը շատ պրիմիտիվ էր, բայց ուսուցողական:
Հարգանքներով Արթուր Սիմոնյան:
Diana (Sunday, 08 April 2018 16:37)
Shat usucoxakan das e.